Archive
February
October
November
December
2018
2019
2014-2015 Annual Report Summary in Inuktitut
Posted 16 July 2015, 3:41 pm NDT
Image
Torngat Mountains Caribou. 2014. Photo by Serge Couturier (larger version)
2014-2015 asiagut piujummagiulaugivuk Tongait AngajukKauninginnut, Tongait Ikajuttigennikut Oganniatuligijet AngajukKauKatigengit (TJIB), amma Tongait Omajuligijet amma Pigugunnatunik Aulatsijet AngajukKauKatigenginnut (TWPCB). PitaKalaukKuk sivuppianimmik amma ingigainalluni tugâttuk uKâlaKataunnik amma ilautitsinik ikajuttaugutilinnik Labradorimi Inuit Nunamik Satusaisimanikkut AngiKatigegutinganut.

Oganniatuliginnikut TJFB pilauttuk adjigettisigasuannimik maligatsatigut pikKujiusinnik Minsiterimut Oganniatuliginnimut amma Imappiliginnimut ogagalannut sollu putjotivait, turbot, amma kingupvait. UKaudjigiannik ikajutsitaulauttuk ilauKataujunnut nunalinnut, avittusimajuni, prâvinsimi, nunagijaujuni, amma nunatsualimâmi katingajinni tamakkua pillugit.
Avittusimajutigut, TJFB pigunnatitsilauttuk 5th tallimanganik jârikkut ogannianimmut katimajinnik, amma unuttut ilauKataulauttu ilonnainit namminiKaKataujunut nunagijaujunni, ilautillugit oganniatet, oaganniataumajunik suliaKattinut, amma kavamauKatigengitunut.

Omajuliginnimut TWPCB atulauttuk Kaujimausinnik pillugit tuttuit sivullipautitaulauttuk. AngajukKauKatiget kamalauttut sivullipâmi Tongait KakKasuanginni Tuttunik (TMCH) kitijauninginni. Kititsinik pititsilauttuk pimmagittumik kamaKatigejut uKâlaKatigenninginnik aviutillutik piusiusimajunik amma ilautitautillugit nunalet nunalinni atuttaunippausimajut asianguninginnut Tuttuit ununnigijangit. TWPCB uKâlaKataulaummijuk taimangasuanit Kaujimausilinnik pillugit TMCH , ilautillugu sivullimi kititsiniusimajuk, AngajukKauKatiget pisittotiKajut Kaujimausinnik allataumajunnik.

TWPCB piujumik uKaudjigiagiKattalaummijut pillugit sollu mooset amma Nanuit, angajukKauKatiget sakKititisimammata pijaugunnatuit ununninginnik tamakkununga omajunut mânnaKammiulauttuk.

Tamammik TJFB amma TWPCB kamainnalauttuk Pillagittumik Pannaigutimmik, amma sivuppiatitsigasuallutik âkKitaunitsanginnik katutjiKatigenniup sivullimik kamannet amma Ilisannimut Pannaigutet. Maligatsaliullutik sollu pitsâtailinnik, piulimatsisiagasuannik, amma niKet paigijautsianitsanginnut, tamaita AngajukKauKatiget uKâlautisimajok kamatsiagasuannimik ilonnâni Nunatsiavummi.

Pigiasittitauningit kamanniujuk amma Ilisannimut Pannaigutet pigiasilauttuk nutânut Nipangit kamannimik SuliaKauset. Asingit piusiulauttuk adjiliuginnikut sâlakkumautinnik, sakKititauninga kamanniup Kangattagangit, amma pivalliatitauningit naittuk takugatsak. AngajukKauniujuit pigunnalaummijut Labradorimi Kaujisanniujumik pivitsautillugu ilisimajummaginnut ogait amma omajuit Kaujisattauninginni. Ilaummitillugu nanuttautailigiamut, amma piunippâmik pigasuannik putjutivanniatunut, katutjiKatigennet sivuppianiKatsialauttut kamannimik amma ilisannimik.

AngajukKauniujuit amma tamammik AngajukKauKatigek malittok nunamik satusaisimannimut âkKigiatsiniutinnik, jâri tamât sakKejuk nutânik pitsianinnik amma Kanuttogutinnik Kanuiniattinagit nunami pigugunnatut amma nunagijaujuit kamatsianikkut omajunik, pigugunnatunik amma ogannianimmik. Tugâgutigijavut piusitivalligasuallugit sakKijânginnatitsigasuannik amma kamagijautsianitsangit omajuit, pigugunnatut, ogannianet amma inigisongijangit.

Translated by Wilson Jararuse. Proof Read by Davis Kajuatsiak.
 
Image
2015 Torngat Secretariat
#paigitsiaguk #takecareofit